Сургалт

Сургалт, хөгжлийн үйлчилгээ

Суралцагчдыг хөгжүүлэх, төлөвшүүлэх, эрүүл мэнд болон хууль эрх зүйн мэдлэгийг нэмэгдүүлэх чиглэлээр мэргэжлийн байгууллагуудтай хамтран тогтмол сургалт, мэдээллийн үйл ажиллагаа зохион байгуулж, эрсдэлээс урьдчилан сэргийлэхэд анхааран ажиллаж байна.

2025–2026 оны хичээлийн жилийн сургалтын хамрагдалт

Зохион байгуулсан онцлох сургалт, үйл ажиллагаа

Эрүүл мэнд, сэтгэл зүйн чиглэлээр

• АШУҮИС-ийн резидент эмч нар “Өсвөр үеийн бэлгийн боловсрол” сэдвээр сургалт зохион байгуулж, 57 суралцагч хамрагдан зөвлөгөө мэдээлэл авлаа.

• Сүхбаатар дүүргийн Эрүүл мэндийн төвтэй хамтран дотуур байрны охид, хөвгүүдэд “Нөхөн үржихүйн эрүүл мэнд” сэдэвт сургалт зохион байгуулж, нийт 108 суралцагч хамрагдав.
• “ENT CARE” аяны хүрээнд чих, хамар, хоолойн эрүүл мэнд болон сонсгол хамгаалах чиглэлээр сургалт, үзлэг зохион байгуулж, 450 суралцагч хамрагдлаа.
• “Өөрийгөө таньж мэдэх” сэдэвт сэтгэл зүйн сургалтад 221 суралцагч хамрагдан сэтгэл зүйн зөвлөгөө авсан.

Хууль эрх зүй, цахим аюулгүй байдлын чиглэлээр

• Монголын Улаан Загалмай Нийгэмлэг болон холбогдох байгууллагуудтай хамтран “Цахим орчны зохистой хэрэглээ”, “Мансууруулах бодисын хор нөлөө”, “Жендэрт суурилсан гэмт хэрэг, зөрчлөөс урьдчилан сэргийлэх” сэдвээр сургалт зохион байгуулж, 87 суралцагч хамрагдлаа.
• Цагдаагийн байгууллагатай хамтран “Үе тэнгийн дээрэлхэл, түүний хор уршиг” болон “Кибер гэмт хэргээс урьдчилан сэргийлэх” сэдвээр сургалт зохион байгуулж, нийт 733 суралцагч хамрагдсан.
• Цахим орчны аюулгүй байдлын тохиргоо хийх зөвлөмж, мэдээллийг суралцагчдад хүргэлээ.

Гэр бүл, төлөвшил, эцэг эхийн оролцооны чиглэлээр

• “Үе тэнгийн дээрэлхлийг танин мэдэх, урьдчилан сэргийлэхэд эцэг эхийн оролцоо” сэдэвт сургалтад 112 эцэг эх хамрагдаж, сургууль–эцэг эхийн хамтын ажиллагааг өргөжүүлэв.
• АМОС ТББ-тай хамтран “Ухаалаг гэр бүл төлөвлөлт” сургалтыг зохион байгуулж, зөв нөхөрлөл, гэр бүл төлөвлөлтийн талаарх мэдлэг олгон 465 суралцагч хамрагдсан.

Суралцагчдыг дэмжих үйл ажиллагаа

• 1-р ангийн 728 суралцагчтай сургалтын алба, тэнхимийн эрхлэгч, арга зүйч, нийгмийн ажилтнууд уулзалт зохион байгуулж, сургалтын мэдээлэл хүргэн санал хүсэлтийг хүлээн авч ажиллалаа.

Дүгнэлт

2025–2026 оны хичээлийн жилд суралцагчдын эрүүл мэнд, хууль эрх зүй, сэтгэл зүй, төлөвшил, цахим аюулгүй байдлын мэдлэгийг нэмэгдүүлэх чиглэлээр олон талт сургалт, нөлөөллийн үйл ажиллагааг тогтмол зохион байгуулж, мэргэжлийн байгууллагуудтай үр дүнтэй хамтран ажилласан байна. Эдгээр үйл ажиллагаанд нийт олон мянган суралцагч, эцэг эх хамрагдан мэдлэг мэдээллээ нэмэгдүүлж, эрсдэлээс урьдчилан сэргийлэх, зөв хандлага төлөвшүүлэхэд бодит үр дүн гарлаа.