Бидний тухай

БИДНИЙ АМЖИЛТ: ЧАНАРТАЙ БОЛОВСРОЛООС ТӨГСӨГЧДИЙН ӨСӨЛТ БҮТЭЭХҮЙ

Өөрчлөгдөн шинэчлэгдэж буй хөдөлмөрийн зах зээлийн тэргүүн эгнээнд, Rajiv Gandhi-ийн нэрэмжит Үйлдвэрлэл Урлалын Политехникийн коллеж (ҮУПК) нь салбартаа манлайлж, амжилтын шинэ хуудсуудыг тасралтгүй нэмсээр байна. 2025-2026 оны хичээлийн жилийн статистик үзүүлэлтүүд болон манай сургуулийн хөгжлийн бодлого нь бид зөвхөн мэргэжилтэн бэлтгэдэггүй, харин ирээдүйн үнэ цэнийг бүтээдэг болохыг бэлхнээ гэрчилж байна.

Манай сургуулийн сүүлийн жилүүдийн гол ололт, амжилтуудыг хуваалцахад таатай байна.

1. Олон улсын чанарын стандартыг хэрэгжүүлэгч

ҮУПК нь сургалт, менежментийн үйл ажиллагаандаа олон улсын ISO 9001 (Чанарын менежментийн систем) болон боловсролын байгууллагын тусгай стандарт болох ISO 21001 зэрэг баталгаажуулалтуудыг амжилттай нэвтрүүлсэн. Энэ нь манай оюутнууд дэлхийн жишигт нийцсэн орчин, хөтөлбөрөөр суралцаж буйн тод илрэл юм.

2. Суралцагчдын тоо тогтвортой өсөлт

Бидэнд итгэх залуусын итгэл жилээс жилд нэмэгдэж байна.

• 2022-2023 оны хичээлийн жилд 1,981 суралцагчтай байсан бол,
• 2024-2025 онд энэ тоо 2,167-д хүрч,
• Өдгөө 2025-2026 оны хичээлийн жилд 2,152 оюутан идэвхтэй суралцаж, чанартай боловсрол эзэмшиж байна.

3. Хөдөлмөрийн зах зээл дэх үнэ цэнэ: Төгсөгчдийн ажлын байрны өндөр үзүүлэлт

Бидний ажлын үр дүнг илэрхийлэх хамгийн гол үзүүлэлт бол төгсөгчдийн ажил эрхлэлт юм. ҮУПК-ийг төгсөгчдийн ажлын байраар хангагдах хувь жил дараалан огцом өссөн амжилтыг үзүүллээ:

• 2022-2023 онд ажил эрхлэлт 53.3% байсан бол,
• 2023-2024 онд 83.4% болж өссөн,
• Хэрэглэгч болон ажил олгогчдын итгэлийг хүлээснээр 2024-2025 оны төгсөгчдийн ажил эрхлэлтийн түвшин 91.3%-д хүрч, түүхэн амжилт тогтоолоо.

4. Жендэрийн тэгш байдал ба Хөгжлийг дэмжсэн орчин

Манай сургууль жендэрийн эрх тэгш, хүртээмжтэй байдлыг дээд зэргээр хангадаг. Нийт 2152 суралцагчдын 51% буюу 1095 нь эрэгтэй, 49% буюу 1057 нь эмэгтэй суралцагчид байна. Мэргэжлийн болон техникийн боловсролын аль ч шатанд залуус хүйсийн ялгаваргүйгээр сурч, хөгжих боломжийг бид бүрдүүлсэн.

Мөн бидний сургалтын бүтцийг авч үзвэл нийт суралцагчдын 90.24% нь Мэргэжлийн боловсролын (I, II, III шат) хөтөлбөрт, 9.76% нь Техникийн боловсролын хөтөлбөрт хамрагдаж, практик ур чадвараа хөгжүүлж байна.

Үйлдвэрлэл Урлалын Политехникийн коллежийн хамт олон, багш ажилчид болон оюутан залуусын хамтын хичээл зүтгэлээр бүтсэн энэхүү амжилт нь биднийг илүү өндөр зорилго өөд хөтөлж байна. Бид ирээдүйн чадварлаг, бүтээлч мастеруудыг бэлтгэсээр байх болно.

Амжилтын зүг хамтдаа!