Үйлдвэрлэл Урлалын Политехник Коллеж (ҮУПК) нь Боловсролын магадлан итгэмжлэх үндэсний зөвлөл (БМИҮЗ) болон Үндэстэн дамнасан дээд боловсролын магадлан итгэмжлэлийн холбоо (ATHEA)-ны хамтарсан олон улсын байгууллагын магадлан итгэмжлэлийн үнэлгээнд амжилттай хамрагдлаа.
Монгол Улсад анх удаа Мэргэжлийн болон техникийн боловсролын сургалтын байгууллага нь Европын дээд боловсролын чанарын баталгаажуулалтын стандарт, удирдамж (ESG)-д нийцсэн олон улсын үнэлгээ хийлгэж, сургалтын үйл ажиллагааны чанар, үр дүнгээ олон улсын түвшинд баталгаажуулсан түүхэн үйл явдал болж байна.
Магадлан итгэмжлэлийн хугацаа: 2026 оны 8 дугаар сарын 1-ний өдрөөс эхлэн 5 жилийн хугацаанд хүчин төгөлдөр байна.
Хамрах түвшин: Монгол Улсын Мэргэшлийн үндэсний шаталсан бүтцийн 5 болон 6 дугаар түвшинд хамаарна.
Ач холбогдол: Сургалтын чанарыг тасралтгүй сайжруулах, олон улсын сайн туршлагыг нэвтрүүлэх болон төгсөгчдийн мэргэшил, ур чадварыг олон улсад хүлээн зөвшөөрөх боломжийг нэмэгдүүлж байна.
